Hau Pittu Hau !
Helbidea	Barrenkale Barrena, 9 Behea
Telefonoa	94 416 27 30
Faxa	--
Sorrera urtea	1.987
Bazkide kopurua	140
Txupinera	Miren Barrutia (1.991)
Auzoa	--
e-mail	hphk@euskalerria.org
web orrialdea	www.haupittuhau.org

Janzkera: Kamiseta morea. Aurretik logotipoa, barraskilo betaurrekoduna EHEren ikurraz. Atzean, "Hau Pittu Hau euskaldunon konpartsa". Gainontzeko janzkera bakoitzaren gustuen araberakoa.

Ezaugarriak: Euskaraz funtzionatzen du eta euskararen normalizazioaren alde egiten du lan. Konpartsakide izateko euskaldun izan behar da. Hau Pittu Hau!k aukera ematen die euskara ikasten ari direnei praktikak egiteko. Gizon eta emakumeen arteko berdintasuna ere bultzatzen du.

Historia: 1987an Aste Nagusian zegoen euskararen huts nabarmena ikusita, lehenengo konpartsa euskalduna sortzea erabaki zuen.Hor Dago! eta Eguzkizaleak konpartsekin euskalgunea sortu zuen 1993an. Izena Zuberoako Maskaradako pertsonaia batena da. Mozkorti eta neskazaleena Pittu da, eta hura agertzen denean jendeak: hau Pittu hau! oihukatzen du. Izenarekin gora behera handiak izan dituzte, erabiltzailearen arabera: Hau Pittu Hau, Jau Pittu Jau, Jaupichujau edo. Duela urte batzuk Aratusteetako kopla txapelketako aurkezleak Este Pitito Este izenaz aurkeztu zituen.