Txomin Barullo
Helbidea	Barrenkale 40 (Txomin Barullo taberna)
Telefonoa	94 415 27 88
Faxa	--
Sorrera urtea	1.978
Bazkide kopurua	375
Txupinera	--
Auzoa	--
e-mail	--
web orrialdea	--

Janzkera: Kamiseta zuri-gorria Groucho Marxen aurpegiarekin, praka zuriak, gerriko gorria eta zapatilak.

Ezaugarriak: Gizarte eta elkartasun ekimenetan hartzen dugu parte (antimilitarismoa, inmigrazioa, ekologismoa, internazionalismoa, antiglobalizazioa, kanpo zorra kitatzeko…). Jai ereduko ekitaldiak ditugu gogoko, ondo jan, ondo edan eta, esan ez arren, imaginatzen dituzuen beste gauza batzuk.

Historia: Txomin Barullo 1978an sortu zen jai herritarrak, jaika kalera ateratzea, ikuskizuna, neurririk eza, libertinajea , ondo jan eta ondo edatea behar zirelakoan. Haren geroztik jardunean izan gara, jai gero eta laia eta gero eta konbatiboagoak izateko. Gure izena, antzinako bilbotar baten izenetik dator, Txomin Barullo, pertsona oso jaizale eta herrikoia gizartean aitortua izan nahi zuen edozein jaitan ezinbesteko gonbidatua. Groucho Marx aukeratu genuen ikurtzat bere umore bereziagatik eta gure konpartsero bat bera ere ez luketelako beste edozein klubetan onartuko. 1983an uholdeek Arenaleko jai gunea desegin arren, gure konpartsakide batzuk belaunerainoko botekin eta basatza, euri eta zaborrei aurre eginez, bonboa eskutan, poz pizka bat ateraraztera irten zirenak. Urte batzuk beranduago, 1996an, galerna itzela izan zen eta gurea izan zen eguraldi txarrari dotoreziaz aurre egin zion bakarra.