Bilboko Konpartsak

Gaur, goizeko 11:30etan Kalderapekon, Alde Zaharreko tabernariak eta dendariak prentsaren aurrean agertu dira inauteri bateratuak eskatzeko.

Ez da bakarrik beraien negozioentzako egokia delako, baizik eta Bilboko hiritarrok horrelako desfilea merezi dutelako

Gauzak horrela egonda deialdi berezia egin nahi diete Udaletxeari konpartsekin batera hasierako jai ereduaren espiritua berreskuratzeko eta Bilbotarrontzako 2012. urteko inauteriak garai berri baten inauteriak izateko. Guztiok disfrutatu ahal izateko inauteriak izateko.

Bilboko Inauteriak 1979. urtean hasi ziren. Lehen Aste Nagusiaren (78) esperientziaren ostean, Bilboko talde ezberdinek uda horretan hasitako diseinu partehartzaileari jarraituz, Bilboko Konpartsetatik hasi ginen jai herrikoiei Inauterien bidez ere bultzada emanez.

Urteak pasa ahala, Bilboko Konpartsak eta Udaletxea batera lan egiten hasi ziren, Jai Batzorde Mistoaren bitartez, era honetan Aste Nagusiarekin batera Inauteriak ere lantzen hasi ziren.

Lehen desfilea Erriberatik egin zen, Atxuritik Arenaleraino, eta hortik aurrera Gran Viatik egin izan da urtero desfilea, 2004. urtera arte non Udaletxeak erabaki zuen Konpartsekin batera egiten zen lan amankomuna bertan behera uztea.

Dim lights

Atzoko eguna benetan penagarria izan zen, bilboko konpartseroontzat ere. Kukutzako ateak eta bertan zeuden lagunek jasotako kolpe bakoitzean bilboko konpartsok kolpe bana jaso dugu gure bihotzetan eta ziur gaude atzoko poliziaren kargen irudi bortitzak ikustean Marijaiak ere mina sentitu duela.

Baina gure minak ez gaitu geldituko, eta Bilbotar, Bizkaitar eta Euskal Herriko herritar askok bezala Kukutza defendatzeko deialdia egiten dugu. Konpartsontzat Kukutza ez da lokal soil bat, ez da orube soil bat, etxebizitza garestiak eraikitzeko esparru soil bat, konpartsontzat Kukutza auzo baten eta kasu honetan Bilboko bizitza kultural eta soziala bultzatzeko tresna baliagarria da. Auzokideen tresna, gazteen tresna, konpartsen tresna, Bilbon egun ezinbestekoa zaigun tresna.

Atzoko erasoa neurrigabea iruditzen zaigu, neurrigabea eta onartezina. Deialdi berezia egiten dugu gaurko honetan Bilboko Udalean hausnarketa egin dezaten eta hartutako erabakia berraztertu dezaten. Errekaldek Kukutza behar du, Bilbok Kukutza behar du. Deialdi berezia egiten dugu parte hartzeko Kukutzaren defentsan antolatzen diren ekimen guztietan: Kukutza ikutu bez!