Gure auzuneetan sortuak, konparsek Bilboko elkarbizitza asoziatibo aberatsa islatzen dute. Oinezko herritarrak, jaia egiteko bilduz eta euren burua antolatuz, eta jaia denontzat, elitismorik gabe.
Parte hartzea, ikusle hutsak izan baino. Konpartsek eredu parte-hartzailea bultzatzen dute eta, era berean, jende askok ekarpena egiteko duen gogoa bideratuz, festan aktiboki esku-hartzeko bidea emanez.
Jatorri eta sentsibilitate sozial zein politiko askotako jendeak eta taldeak elkartzen gara konpartsetan. Aniztasunetik, eta elkarlanetik Bilbo eraikitzen dugula ikusteak batu eta ilusionatu egiten gaitu.
Badakizuenez Bilboko Konpartsakeko lagunok gauzak gure “erara” egiteko joera daukagu. Eta oraingo honetan ez ginen gutxiago izango:
Zer daukagu begien aurrean? Krisia! Eta ez edonolako krisia ... Baina konpartserook ez gara eztabaida antzuetan eroriko. Ez dugu diskurtso luzerik botako: krisiaren arduradunak eta bla bla bla ... Gauza bat baino ez dugu buruan: gauzak gure “erara” egitea!
Eta horregatik Bilbotarrei deialdi argi bat luzatzera goaz: mendia eta kaleak okupatzera goaz!!
Auten Bilboko Konpartsak eta Bilboko Aste Nagusiak 35 urte beteko dituzte. Hori dela eta, urtean zehar ekimen bereziak antolatuko dugu eta lehenengoa Txosnaganera mendi ibilaldi neurtua izango da hurrengo maiatzaren 25ean. Izena eman HEMEN.
Txosnagane mendia: Biderdi, Ganetxiki, Larrentxu izenarekin ere ezagutua, Pagasarri eta Ganekogorta artean dagoen mendia da eta 877 metroko altuera du.
Hurrengo Bilbo Kantarik, maiatzak 11, ibilbidea desberdina izango du:
1. 20:00etan Kafe Antzokian
2. Zabalgune Enparantzan (Ensantxe plazan)
3. Diputazio kalean: Lekeitio, Lasa tabernen inguruan
4. Diputazio kalean: La Viña, La Olla tabernen inguruan
5. Ledesman
6. Berastegi-Iruña
Hasiera-eguna: 2013-04-22
Amaiera-eguna: 2013-06-14
Azalpena: Bilboko Udaleko Jaietako Batzordeak lehiaketa antolatu du 2013ko Aste Nagusia iragarriko duen kartela aukeratzeko.
Lehiaketako baldintzak esteka honetan ikus dezakezue: Baldintzak
Txosnagane
Bilbo Kantari
Bilboko Konpartsen Federazioak 1978ko sugarra pizturik mantentzen du: gogotik egiten dugu lan urte osoan eta gure helburua jaiak -Aste Nagusia, San Tomas, inauteriak eta auzoetako jaiak- herritarrek herritarrentzat eginak izatea da. Elkarbizitza posible dela uste dugu, ezberdintasunetik eta iritzi aniztasunetik. Instituzioek bakarrik antolatutako jaien ereduarekin konforme ez gaudenok konpartsetan biltzen gara. Konpartsok ezberdinak gara, jaia gara, Bilbotarrak gara.
Bilboko Konparsak Federazioa.
