Badakizuenez Bilboko Konpartsakeko lagunok gauzak gure “erara” egiteko joera daukagu. Eta oraingo honetan ez ginen gutxiago izango:
Zer daukagu begien aurrean? Krisia! Eta ez edonolako krisia ... Baina konpartserook ez gara eztabaida antzuetan eroriko. Ez dugu diskurtso luzerik botako: krisiaren arduradunak eta bla bla bla ... Gauza bat baino ez dugu buruan: gauzak gure “erara” egitea!
Eta horregatik Bilbotarrei deialdi argi bat luzatzera goaz: mendia eta kaleak okupatzera goaz!!
Hurrengo Bilbo Kantarik, maiatzak 11, ibilbidea desberdina izango du:
1. 20:00etan Kafe Antzokian
2. Zabalgune Enparantzan (Ensantxe plazan)
3. Diputazio kalean: Lekeitio, Lasa tabernen inguruan
4. Diputazio kalean: La Viña, La Olla tabernen inguruan
5. Ledesman
6. Berastegi-Iruña
Auten Bilboko Konpartsak eta Bilboko Aste Nagusiak 35 urte beteko dituzte. Hori dela eta, urtean zehar ekimen bereziak antolatuko dugu eta lehenengoa Txosnaganera mendi ibilaldi neurtua izango da hurrengo maiatzaren 25ean. Izena eman HEMEN.
Txosnagane mendia: Biderdi, Ganetxiki, Larrentxu izenarekin ere ezagutua, Pagasarri eta Ganekogorta artean dagoen mendia da eta 877 metroko altuera du.
Hasiera-eguna: 2013-04-22
Amaiera-eguna: 2013-06-14
Azalpena: Bilboko Udaleko Jaietako Batzordeak lehiaketa antolatu du 2013ko Aste Nagusia iragarriko duen kartela aukeratzeko.
Lehiaketako baldintzak esteka honetan ikus dezakezue: Baldintzak
